Eksperti i njohur: Shqipëria model për reformat ekonomike
Në fjalën e tij, drejtor i instituti të Çështjeve Globale në Londër, Erik Berglof vlerësoi arritjet që ka bërë Shqipëria vitet e fundit duke ruajtur stabilitetin ekonomik.
Ai iu referua transformimit ekonomik që ka ndodhur në 5-6 vitet e fundit në Shqipëri
“Dhe tabloja që nga atëherë, deri më sot nuk mund të ishte më ndryshe se kaq. Ishte një kohë kur kishte zhbalancime të mëdha makro-ekonomike, kishte hapësira të mëdha fiskale. Kur shoh sot Shqipërinë është një vend krejt i ndryshëm. Shqipëria është bërë një model i faktit se si të arrihet stabilizimit makro-ekonomik, si të bëhet reforma ekonomike. Por një pjesë e këtij vlerësimi i shkon për kryeministri Edi Rama dhe ekipit të tij”, tha në vijim Berglof.
Tani, shtoi Berglof,” i jam rikthyer botës akademike dhe jam pjesë e një institucioni të forumit ekonomik dhe po përpiqemi të ndërtojmë dhe forcojmë institute për çështje globale dhe motoja jonë është të trajtojmë sfidat globale duke përdorur zgjedhjen që ka rrënjë lokale dhe këto zgjidhje kanë partneritet me institucione lokale”.
“Gjatë vitit të kaluar kam qenë përfshirë në një aktivitet të G 20, ku u përpoqëm të trajtojmë sfidat globale ku në themel qëndron pronësia lokale”, tha ai.
Po ashtu, ish-kryeekonomisti i BERZH, Erik Berglof, vlerësoi punën e Bankës së Shqipërisë, duke e konsideruar një model.
“Këtu dhe me Bankën Qendrore në kemi patur partneritet për organizimin e kësaj konference dhe shpresojmë për bashkëpunime të tjera edhe në të ardhmen dhe Guvernatori Sejko ka qenë një model si të bëhet dhe realizohet politika monetare dhe kemi kënaqësinë që të bashkëpunojmë me të dhe ekipin e tij”, tha Berglof.
“Një prej sfidat kyçe e që ne shikojmë është qëndrueshmëria financiare dhe po shikojmë atë që Shqipëria ka arritur përsëri krahasuar me gjashtë apo shtatë vjet më parë, kur unë u përfshiva për herë të parë në Shqipëri dhe është një arritje shumë e madhe. Meritat i shkojnë edhe Bankës së Shqipërisë”, theksoi ai.
Erik Berglof aktualisht është Profesor, Drejtor i Institutit të Çështjeve Globale në Londër, ndërsa më herët mbante detyrën e Kryeekonomistit të BERZH.
