“Eskobari i Ballkanit” hyn në negociata për t’u vetëdorëzuar?

I ashtuquajturi nga drejtësia greke si “Eskobari i Ballkanit”, Kelmend Balili ka hyrë në negociata për vetëdorëzim.

Kështu deklaron Report Tv.

Sipas këtij televizioni, burime nga Prokuroria thonë se Balili ka theksuar se do të dorëzohet me një kusht.

Ai ka kërkuar garanci për një proces hetimor e gjyqësor pa ndikim politik.

Në negociata me Balilin kanë hyrë një grup hetimor nga Policia, Prokuroria e Krimeve të Rënda ndërsa janë përfshirë dhe të afërm dhe avokatë të familjes Balili.

Ndërkohë familjarë të Kelmend Balilit shprehen se nuk i ka kontaktuar askush nga grupi hetimor.

Ata shtojnë se këto ditë por edhe më herë kanë rënë pre e sulmeve të vazhdueshme politike dhe mediatike.