Eurodeputetja Ilaria dhe Ikbalja të protestojnë për gratë në Teheran, jo për zogjtë në Tiranë

Nga Kreshnik Spahiu

Eurodeputetja e së majtës ekstreme, Ilaria Salis, ka mbërritur në Tiranë për t’iu bashkuar protestës që, sipas saj, synon mbrojtjen e zogjve dhe harabelave në Zvërnec.

Por çfarë lidhjeje ka Ikbalja talebane me deputeten italiane?

Përgjigjja mbetet e njëjtë: antiamerikanizmi.

U bëj thirrje gazetarëve ta pyesin deputeten italiane: pse nuk u bashkohet protestave në ishullin e Sardenjës kundër resorteve që, sipas aktivistëve, po dëmtojnë mjedisin dhe natyrën? Pse nuk mbështet popullin e saj italian? Pse vjen të protestojë në Shqipëri dhe jo në Itali?

Apo ndoshta në Sardenjë nuk ndërton Ivanka Trump, por grupe të tjera interesi?

Sipas këtij këndvështrimi, Ikbalja dhe Ilaria kanë një të përbashkët: kundërshtimin ndaj Amerikës. Ikbalja, e frymëzuar nga ajatollahët e Iranit, dhe Ilaria, e formuar politikisht nga e majta evropiane, kundërshtojnë të djathtën amerikane.

Ikbalja nuk proteston në Tiranë për patriotizëm por për antisemitizëm kundër Kushner.
Pse Ik alja nga Kosova nuk proteston kundër dy biznesmenve kosovar Pacolli dhe Ademi që kanë marrë peng aeroportin e Vlorës dhe pengojnë turizmin dhe zhvillimin e Shqipërisë?
Deri këtu, kjo është e drejta e tyre. Por lind pyetja: pse e kanë kthyer Shqipërinë në një fushë përballjeje ideologjike nën pretekstin e mbrojtjes së flamingove?

Është paradoksale të shohësh Ikbaljen të paraqitet si mbrojtëse e patriotizmit të zogjve.

Ikbalja dhe Ilaria do të bënin më mirë të shkonin në Teheran, atje ku gratë, vajzat dhe motrat iraniane përballen me shtypjen dhe dhunën e regjimit të ajatollahëve.

Mjaft më me përdorimin e Shqipërisë për beteja fetare dhe ideologjike. Shqipëria është një shtet sovran dhe i pavarur.