Europiani i mundjes: Dudaev kualifikohet në finale

Mundësi shqiptar Islam Dudaev ka bërë një paraqitje shumë të mirë në Kampionatin Europian të Mundjes që po zhvillohet në Tiranë dhe po transmetohet drejtpërdrejt në rrjetin e Radio Televizionit Shqiptar.

Dudaev ka siguruar një vend në finalen e madhe në peshën 65 kg në stilin e lirë dhe do të garojë nesër për medaljen e artë kundër rusit Bashir Magomedov.

Mundësi shqiptar eliminoi në çerekfinale gjeorgjianin Nika Zakashvili, ndërsa në gjysmëfinale triumfoi përballë Islam Guseinovit.

Ndeshjen finale të mundësit shqiptar mund ta ndiqni nesër në rrjetin e Radio Televizionit Shqiptar.