Fico: E kam të pamundur t’i sqaroj popullit sllovak se vendi im i varfër duhet ta financojë Greqinë

Kryeministri sllovak, Robert Fico përjashtoi mundësinë e çfarëdo ndihme shtesë për Greqinë duke theksuar se Sllovakia do ta priste e qetë daljen eventuale të Greqisë nga eurozona, njoftoi website grek news.in.

”Askush në Evropë nuk dëshiron të japë para për Greqinë”, deklaroi Fico në një intervistë për “Financial Times”.

”E kam të pamundur t’i sqarojë opinionit sllovak se vendi im i varfër duhet ta financojë Greqinë”, theksoi ai.

Sipas Ficos, dalja eventuale e Greqisë nga eurozona është më pak e rrezikshme tani sesa para dy, tre apo katër viteve.

Në qershor të vitit 2012, Sllvakia kërcënoi se do të kërkonte nga Greqia të braktiste unionin monetar nëse Athina nuk pranonte programin shtrëngues ekonomik në këmbim të ndihmës ndërkombëtare.