Fillon debati i deputetëve të VLAN

Ka filluar debati i paraparë nga përfaqësues të partive, LDK-AAK-NISMA dhe Vetëvendosje. E para që ka marrë fjalën është deputetja e Lidhjes Demokratike të Kosovës, Vjosa Osmani.

Fillon seanca, udhëhiqet nga Teuta Rugova

Grupi i deputetëve të VLAN kanë filluar seancën e Kuvendit të Kosovës. Në këtë seancë marrin pjesë grupi I deputetëve të LDK-AAK-NISMA dhe Vetëvendosje.

Liderët e VLAN në takim të përbashkët

Deputetët e VLAN, tanimë janë futur në objektin e Kuvendit të Kosovës, por jo brenda në sallën e Kuvendit. Ndërkaq liderët e partive politike janë në një takim të përbashkët.

Mirëpo, në Kuvend nuk ka asnjë deputetë të PDK-së dhe as të minoriteteve. Gjithashtu nuk ka as mysafirë nga përfaqësitë ndërkombëtare në Kosovë.

Liderët e VLAN, tashmë në Kuvend

Lideri i AAK-së, Ramush Haradinaj, ai i LDK-së, Isa Mustafa, i Nismës, Fatmir Limaj dhe Jakup Krasniqi tashmë kanë arritur në Kuvend, ku pritet të mbahet seanca e thirrur nga Blloku

Deputetët e VLAN fillojnë të hyjnë në ndërtesën e Kuvendit

Deputetët e Bllokut LAN dhe Vetëvendosje kanë filluar të hyjnë në ndërtesën e Kuvendit të Kosovës.

Të parët që u panë tek hynin në ndërtesën e Kuvendit ishin nënkryetari i LDK, Avdulla Hoti, Kujtim Shala, Anton Quni dhe Donika Kada Bujupi.