FOKUS – Xi dhe Putin konfirmojnë bashkëpunimin Rusi-Kinë në samitin e Kirgistanit

BISHKEK, 31 gusht /ATSH-DPA/- Presidenti i Kinës, Xi Jinping, dhe presidenti rus, Vladimir Putin, theksuan sot forcimin e bashkëpunimit mes dy vendeve gjatë një takimi në Bishkek të Kirgistanit.

Putini deklaroi se partneriteti strategjik Rusi-Kinë po zhvillohet me sukses, duke përfshirë projekte të mëdha në energji, industri, hapësirë, transport dhe logjistikë.

Ai e cilësoi bashkëpunimin mes dy vendeve si një model marrëdhëniesh ndërkombëtare, në kushtet e situatës së ndërlikuar gjeopolitike.

Sipas Kremlinit, lufta në Ukrainë nuk zuri një vend të rëndësishëm në bisedimet mes Xi-së dhe Putinit, të cilat u përqendruan kryesisht te marrëdhëniet dypalëshe, tregtia dhe ekonomia.

Takimi u zhvillua në kuadër të samitit të Organizatës së Bashkëpunimit të Shangait (SCO), ku mori pjesë edhe kryeministri indian Narendra Modi, i cili ka bërë vazhdimisht thirrje për përfundimin e luftës në Ukrainë.

Putini pritet të zhvillojë nesër takime edhe me presidentin turk, Recep Tayyip Erdogan, presidentin iranian, Masoud Pezeshkian dhe kryeministrin armen, Nikol Pashinyan. /