Gjeloshaj: Serbia një hap përpara Malit të Zi në përfaqësimin zgjedhor të pakicave

Siç njofton Portal Analitika, zëvendëskryeministri i Malit të Zi dhe lideri i Forumit Shqiptar, Nik Gjeloshaj, deklaroi se Serbia është një hap përpara Malit të Zi sa i përket përfaqësimit zgjedhor të pakicave.

Sipas raportimit të Portal Analitika, Gjeloshaj shpjegoi se Serbia listave të pakicave që fitojnë më pak se 3 për qind të votave ua rrit me 35 për qind koeficientët për shpërndarjen e mandateve, duke ua lehtësuar kështu përfaqësimin në parlament.

Gjeloshaj theksoi se Mali i Zi, i cili krenohet me karakterin e tij multietnik dhe me rrugën evropiane, duhet të ofrojë një zgjidhje më të mirë për përfaqësimin e pakicave.

Ai shtoi se barazia provohet me ligje, jo me fjalime, dhe se ka ardhur koha që kjo të tregohet edhe në legjislacionin zgjedhor të vendit.