Gjermania i kthen Greqisë 10 600 objekte të grabitura gjatë Luftës II Botërore

Më shumë se 10 600 objekte që datojnë nga koha e Neolitit dhe që janë larguar në mënyrë të paligjshme nga arkeologët nazistë gjatë Luftës së Dytë Botërore janë rikthyer në Greqi nga muzetë gjermane, njoftoi agjencia gjysmëzyrtare greke e lajmeve, ANA-MPA. Objektet u janë dorëzuar zyrtarëve në Athinë, përfshirë ministrin e Kulturës, Konstantinos Tasulas, nga ambasadori gjerman në Athinë, Wolfgang Dold dhe drejtori i ”Pfahlbaumuseum”, Gunter Schoebel. Objektet përfshijnë sendet copa të thyera poçesh, vegla prej guri, xhami vullkanik apo stralli si dhe materiale kockore, që u nxorën në një përpjekje nga nazistët për të treguar se njerëzit e veriut, paraardhësit e grekëve, kanë pasur një prani të themeluar në Europë nga kohët parahistorike. “Për fat të keq, materiali më i rëndësishëm, tetë kuti që mbeten në Volos në vitin 1941, tani janë të humbura”, tha Schoebel. Objektet do të jenë të vendosura përkohësisht në Muzeun Kombëtar Arkeologjik, që gjithashtu ka materiale të kthyera nga Gjermania në vitet ’50