Grabitja në Rinas, shërbim prove për grupin e shoqërimit

Gjykata e Tiranës shpalli fajtorë 6 punonjësit e policisë private për grabitjen e 3.2 milionë eurove në rrugën e Rinasit, në muajin shkurt.

Gjykata dënoi me 8 muaj deri në 16 muaj secilin nga 6 të pandehurit, dënim që u konvertua në shërbim prove.

Prokuroria kishte kërkuar 2 vjet burg për Fatmir Gapin, përgjegjësin e grupit të shoqërimit, ndërsa 5 të tjerët ishin lënë në liri me kusht. Nga dosja e prokurorisë, dilej në përfundimin se Fatmir Gapi, Xhelil Metaj, Dashamir Balla, Përparim Logu, Endrit Daci dhe Gentian Dedja nuk kishin kryer detyrat e tyre, duke lejuar agresorët të merrnin shumën prej 3.2 milionë eurosh dhe të largoheshin.