Greqi: BEI, 815 milionë euro transportet dhe energjinë

“Për tremujorin e tretë të këtij viti do të kemi për herë të parë ritme pozitive zhvillimi”, deklaroi  Ministri i Financave të Greqisë,  Gjikas Harduvelis, duke folur në ceremoninë e nënshkrimit të marrëveshjes për një kredi me vlerë 815 milionë euro nga Banka Europiane e Investimeve, për sektorin e transportit dhe energjisë. Në të njëjtën ceremoni, presidenti i BEI, Werner Hoyer, theksoi angazhimin e bankës për të vazhduar mbështetjen ndaj rimëkëmbjes së ekonomisë greke. Veprat që do të financohen:
1.Përfundim i aksit rrugor Patra-Athine-Selanik. Kredia me vlerë 300 milionë euro do të financojë ndërtimin e autostradave të reja me gjatë 239 km, si dhe projekte më të vogla infrastrukturore në gjatësi 434 km, mbi aksin kryesor.
2.Metroja e Selanikut (financim me vlerë 200 milionë euro), për shtrirjen e rrjetit deri në Kalamaria. BEI ka financuar faktikisht linjën kryesore të metrosë së Selanikut me kredi të mëparshme me vlerë të përgjithshme 650 milionë euro.
3.Përmirësim i rrjetit të shpërndarjes së energjisë elektrike (180 milionë euro). Ky është kësti i dytë dhe i fundit i financimeve me vlerë 415 për DEI për modernizimin dhe forcimin e rrjetit të shpërndarjes.
4.Konjeksioni elektrik i Cikladeve. U nënshkrua kredia me vlerë 65 milionë euro, ndërsa financimi i përgjithshëm nga BEI do të arrijë në 130 milionë euro. Projekti ka të bëjë me konjeksionin e ishujve Syros, Tinos, Mykonos, Paros me sistemin e interkonjesionit të Greqisë.
5.Ndërtimi i qendrës së tensionit super të lartë në Megalupolis. Kredia ka vlerë 70 milionë euro dhe do të pasojë një tjetër mbështetje nga BEI, me të njëjtën shumë për disa projekte të tjera.