Greqia dhe Bullgaria nënshkruajnë memorandumin që ndryshon hartën energjetike të Evropës Juglindore
Greqia dhe Bullgaria vunë sot në lëvizje planet për të ndërtuar një tubacion nafte bruto për të ndihmuar në sigurimin e pavarësisë së tyre energjetike nga Rusia.
Një memorandum mirëkuptimi u nënshkrua nga ministrat e Energjisë të dy fqinjëve të BE-së gjatë një vizite në Athinë të presidentit bullgar, Rumen Radev.
Kryeministri grek Kyriakos Mitsotakis tha se ”projekti, i cili do të lidhë qytetin grek Aleksandoupolis me qytetin bullgar të Detit të Zi, Burgas, do të rrisë sigurinë energjetike në rajon duke ndihmuar në zëvendësimin e prodhimit rus”.
Nafta bruto do të dërgohet me cisterna në portin e Aleksandoupolis, e cila më pas mund të dërgohet në Burgas nëpërmjet tubacionit.
Burgasi është shtëpia e rafinerisë së vetme të naftës në Bullgari.
Greqia tashmë po furnizon Bullgarinë me gaz natyror nëpërmjet një tjetër tubacioni.
Rusia ndaloi furnizimin me gaz natyror për Bullgarinë vitin e kaluar, pasi marrëdhëniet dhe midis Moskës dhe BE-së u përkeqësuan për shkak të luftës në Ukrainë.
Plani anulon një skemë të mëparshme që daton në vitin 1995, në të cilën Bullgaria dhe Greqia synonin të sillnin naftën ruse në portin e Burgasit dhe më pas të dërgonin në Aleksandropolis.
