Grida Duma, e pakënaqur nga opozitarizmi i Bashës

Sekretarja e marrëdhënieve me publikun, Grida Duma, është e vetmja zyrtare e Partisë Demokratike që fundjavën e saj ua kushtoi takimeve në rrethe me qytetarët e vendit.

Gjatë kësaj fundjave, ajo bashkëbisedoi me banorët e Përmetit mbi situatën ekonomike dhe sociale të tyre.

Siç njofton Partia Demokratike, Duma u foli përmetarëve për një opozitë që qytetarët duhet t’i besojnë si e vetmja alternativë për të rikthyer shpresën për punë dhe një jetë dinjitoze për shqiptarët.

Por, nga ana tjetër, selia blu bën me dije se ajo ka shprehur rezerva për mënyrën e të bërit opozitë nga opozita e tanishme.

Duma tha se opozita dhe Partia Demokratike do të bëjë më shumë të fitojë besimin e njerëzve si e vetmja alternativë për të rikthyer shpresën për punë dhe një jetë dinjitoze për shqiptarët.

“S’kemi për të bërë ndonjëherë opozitë vetëm për opozitë, por në fat duhet bërë shumë më tepër që njerëzit të ndiejnë që zëri i tyre po ushtron presionin e duhur, ashtu siç duhet të ndodhë në një vend normal demokratik”, tha Duma.

Kur ka ngelur dhe Grida e pakënaqur nga Basha, duket se punët e kryetarit nuk po shkojnë dhe aq mirë.