Hajdarmataj: Nuk ka fonde dhe projekte për familjet në nevojë
Partia Demokratike denoncon mungesën e fondeve dhe projekteve për familjet në skamje. Deputetja Mimoza Hajdarmataj ka qënë në disa fshatra të Tropojës ku është takuar me familje në nevojë.
Ajo tha se gjendja e shumë famijeve tropojane është në një mjerim të paimagjinueshëm, ndërkohë që një pjesë e tyre jetojnë dhe në banesa të dëmtuara rëndë.
Deputetja Hajdarmataj i bën apel Shërbimit Social dhe Emergjencave civile për të ardhur dhe për të parë nga afër skamjen ekstreme të qindra familjeve në fshatrat e Tropojës, por dhe brenda në qytetin e Bajram Currit.
“Këtu shteti është prezent vetëm përmes ekraneve televizive. Bashkia ka fonde të parëpfillshme për ti ardhur në ndihmë një kategorie të madhe të njerëzve të varfër në Tropojës. Me reformën territoriale, pushteti lokal jo vetëm nuk ka fituar pavarësinë por i janë cunguar edhe më shumë fondet nga qeverisja qendore”, tha Hajdarmataj.
Me mbështetjen e Fondacionit të Katarit u shpërndanë pako ushqimesh tek afro 100 familje në varferi të plotë, mes të cilëve dhe të moshuarve në vetmi.
