Hakerat marrin në kontroll faqen në internet të Ministrisë së Arsimit

Thellohet edhe më tej përplasja midis studentëve dhe Ministrisë së Arsimit lidhur me Ligjin për Arsimin e Lartë.

Ata kanë hakeruar edhe faqen zyrtare të Ministrisë së Arsimit duke lënë një mesazh ku ftojnë qytetarët për një protestë të mërkurën.

“Te gjithe se bashku neser, e merkure ne oren 11:00 te korpusi per te marshuar me pas drejt Kryeministrise ne protesten e radhes te studenteve. 

Per me shume info mund te hyni te faqja ne facebook “Per universitetin”.

Studente, te diplomuar, profesore, gjimnaziste, prinder e te gjithe ju qe shqetesoheni per te ardhmen e shqiperise bashkohuni kunder reformes arsimore, kunder shkaterrimit te shoqerise, kunder varferise qe vazhdon dukshem qe nga viti 2009.

Nese keni frike te marshoni me studentet se mund te humbisni vendin e punes, merrni nje maske e bashkohuni.

Ne si redanons_al ftojme te gjithe ata gjimnaziste qe jane te pjekur e qe mbajne veten si lider te ardhshem e qe shqetesohen me te vertete per te ardhmen e tyre dhe te ketij vendi, te mbledhin bashkemoshataret e tyre dhe t’i bashkohen protestes studentore.

Studentet e sotem protestojne dhe per brezat qe do vijne, qe te mos vuajne e abuzohen sië ndodh rendom sot”, shkruhet midis të tjerash në faqen e Ministrisë së Arsimit të hakeruar.