Haradinaj: Rugova është udhëheqës i papërsëritshëm

Kryetari i Aleancës për Ardhmërinë e Kosovës, Ramush Haradinaj, ka përkujtuar 70 vjetorin e lindjes së presidentit, Ibrahim Rugova.

Ai, përmes një mesazhi të postuar në Facebook, ka thënë se Rugova është udhëheqës i papërsëritshëm dhe se e kishte mik.

“Populli i Kosovës dhe të gjithë shqiptarët përjetë do ta kujtojnë Presidentin Rugova dhe veprën e tij.
Sot, në 70-vjetorin e lindjes, e përkujtoj si udhëheqës të papërsëritshëm të popullit tim dhe si mik”, ka shkruar Haradinaj në Facebook.