Heqja e mandateve, Manjani: Kur vendosin institucionet e shtetit, të tjerët heshtin

Ministri i Drejtësisë, Ylli Manjani, ka reaguar menjëherë pas vendimit të KQZ për ndërprerjen e mandateve të kryebashkiakut Rroshi dhe deputetëve Selami dhe Tahiri, duke e vlerësuar një mesazh të qartë dhe të prerë.

Përmes postimit në rrjete sociale, Manjani thotë se ligji duhet zbatuar me çdo kosto.

“Mesazh i qartë dhe i prerë! Ligji duhet zbatuar me çdo kosto! Uroj të jetë kjo sjellje korrekte e Institucioneve te Shtetit edhe ne vijimësi! Kur vendosin Institucionet e shtetit, të tjerët heshtin! Respekt për KQZ dhe për Prokurorinë! Gëzuar vërtetë!”