Herceg Novi: Arrestohet i dyshuari që plagosi me thikë nënën e tij, u dorëzua vetë në polici
J.V. dyshohet se e goditi nënën në qafë mëngjesin e sotëm në oborrin e shtëpisë familjare; ajo u shtrua në spital, ndërsa prokurori e cilësoi veprën si vrasje në tentativë
Policia e Herceg Novit ka arrestuar J.V., të dyshuar se ka tentuar të vrasë nënën e tij, siç njofton Vijesti. Arrestimi u krye me urdhër të Prokurorisë së Lartë të Shtetit në Podgoricë.
Sipas njoftimit të Drejtorisë së Policisë, dyshohet se vepra penale u krye mëngjesin e sotëm, në oborrin e shtëpisë familjare, ku J.V. e goditi me thikë nënën e tij në qafë.
“Pasi e kreu veprën penale, J.V. rreth orës 9:30 u paraqit vetë në ambientet e policisë dhe u dorëzua”, thuhet në njoftim. Gruaja e lënduar u dërgua me urgjencë në spital, ku u shtrua për trajtim.
Prokurori i shtetit në Prokurorinë e Lartë të Podgoricës, pasi shqyrtoi faktet, konstatoi se veprimet e J.V. përmbajnë elementet thelbësore të veprës penale të vrasjes në tentativë dhe urdhëroi ndalimin e tij. I dyshuari do të shoqërohet te prokurori së bashku me kallëzimin penal.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.