Hetimi kriminal ndaj Ilhan Omar: agjentët federalë bastisin shtëpinë e kongresistes demokrate

Agjentët e Homeland Security Investigations (HSI) bastisën herët të hënën në mëngjes shtëpinë e kongresistes demokrate Ilhan Omar (D-Minn) në zonën e Uashingtonit, siç njofton Fox News, në një zhvillim të papritur të hetimit kriminal federal ndaj saj.

Një burim i njohur me çështjen i tha Fox News Digital se bastisja rrjedh nga një hetim kriminal federal për mashtrim lidhur me dokumentet e emigracionit të kongresistes me origjinë somaleze — dokumente që, sipas burimit, ishin plotësuar nga babai i saj i ndjerë kur ajo ishte fëmijë.

Dy burime pranë hetimit konfirmuan detajet të enjten, pasi koordinatori kufitar i Trump, Tom Homan, tha në mesin e shtatorit se kongresistja ishte subjekt i një hetimi “kriminal” në vazhdim.

Një zëdhënës i Departamentit të Drejtësisë i konfirmoi Fox News Digital: “Sot, në zonën e Uashingtonit, Homeland Security Investigations ekzekutoi një urdhër-arresti të autorizuar nga gjykata, të siguruar nga Departamenti i Drejtësisë. Ky veprim zbatues është pjesë e një hetimit federal në vazhdim.”

Lajmi është ende në zhvillim.