Horoskopi për datën 22 gusht 2014

Dashi

Një problem në zyrë do t’jua bëjë ditën më të keqe se zakonisht. Rëndësi ka të ndiheni të sigurt në vetvete dhe të besoni se keni të drejtë në argumentet që do të ngrini. Familja ka nevojë për ju sot.

Demi

Jo çdo gjë është ashtu siç duket. Për t’i kuptuar më mirë gjërat do të ishte më e udhës që të merrnit mendimin e disa personave përpara se të vendosni për një çështje që do të luajë një rol të madh në jetën tuaj. Kini besim!

Binjakët

Dita e sotme do të jetë e gjitha rreth parave. Problemet financiare do të shtohen nga mesi i ditës, por në mbrëmje do t’i keni tejkaluar të gjitha. Silluni mirë me ata që keni pranë, pasi do t’ju ndihmojnë shumë të ecni përpara.

Gaforrja

Diçka nuk po shkon siç e kishit menduar më parë. Zgjidhja? Mendojini edhe një herë vendimet që keni ndërmarrë dhe përpiquni të ndryshoni atë që duket e nxituar. Qëndroni me këmbë në tokë për planet që bëni dhe do t’ia dilni pa probleme.

Luani

Guximi është një prej virtyteve që duhet të vërtetoni se e keni, sidomos në ditën e sotme. Mos hezitoni të shfaqni ndjenjat dhe të bëni sipas kokës suaj. Sa më shumë besim të keni te vetja, aq më tepër do të përfitoni.

Virgjëresha

Nëse tregoheni të ndrojtur, nuk do të fitoni asgjë nga dita e sotme. Natyra juaj e përmbajtur në vetvete do t’ju kushtojë shumë një ditë, për këtë arsye bëni mirë të dilni nga vetja dhe të këmbëngulni në ato që i besoni si të drejta.

Peshorja

Nëse nuk dilni nga kufijtë, do të jeni përherë të kufizuar. Natyra juaj eksploruese duhet të aktivizohet këto kohë, pasi kështu do të merrni maksimumin nga çdo situatë. Çfarë është më e mira për ju, vendoseni vetë!

Akrepi

Situata ku jeni nuk është aspak e thjeshtë: të ndiqni zemrën apo të bëni atë që duhet? Përse jo të dyja? Gjeni rrugën e mesme për të arritur gjëra të bukura dhe gjëra të bukura do të arrijnë te ju. Besojini vetes dhe çlironi çmendurinë që keni në vetvete.

Shigjetari

Një problem i vogël dikur, po fillon të zmadhohet gjithnjë e më shumë, e vetmja mënyrë për ta hequr qafe është të përballeni me të. Mos e lini për më vonë, sot është çasti i duhur. Më pas do të ndiheni të çliruar dhe të lumtur.

Bricjapi

Kjo do të jetë dita juaj me fat për këtë javë. Ndërmerrni veprimet më të rrezikshme dhe do të rezultojnë të suksesshme. Nxitoni, sepse 24 orët tuaja me fat do të kalojnë shumë shpejt. Mos lini pas dore premtimet që u keni bërë të tjerëve.

Ujori

Diçka po ju mundon. Provoni t’i shpreheni një miku, mund t’jua ulë stresin e brendshëm. Jo çdo gjë duhet mbajtur për vete, aq më tepër që ju jeni veçanërisht të brishtë këto kohë. Veproni sipas ndjenjave, por mos harroni, më mirë jashtë sesa brenda!

Peshqit

Kjo ditë do të jetë e mrekullueshme për ju në çdo aspekt. Asgjë nuk mund t’ju ndalë të arrini atë që doni, sipas mënyrës që keni menduar prej kohësh. Çdo gjë do të rregullohet dhe do të shkojë në vendin e saj shumë shpejt.