ILDKP-ja kallëzon 11 zyrtarë, mes tyre edhe ish-deputeti Uldedaj

Inspektoriati i Lartë i Deklarimit dhe Kontrollit të Pasurive dhe Konfliktit të Interesave, ka depozituar kallëzim për ndjekje penale për 11 zyrtarë, të cilët akuzohen se nuk kanë zbatuar ligjin për deklarimin e pasurisë.

Mësohet se mes zyrtarëve të kallëzuar, është edhe ish-deputeti i Partisë Demokratike, Gjok Uldedaj.

ILDKP-ja ka tërhequr shpesh vëmendjen ndaj zyrtare dhe funksionarëve të lartë që të jenë korrekt në zbatimin e ligjit për deklarimin e pasurisë, përndryshe do të përballen me ndjekje ligjore.

Përveç ish-deputeti të djathtë, të kallëzuar penalisht janë edhe disa funksionarë të Drejtorisë së Përgjithshme të Tatimeve.