INSTAT: Rreth 80 % e borxhit të jashtëm përbëhet nga borxhi afatgjatë

Borxhi i jashtëm bruto i Shqipërisë në fund të vitit 2014 arriti në 6,6 miliardë euro.

Sipas raportit të publikuar së fundmi nga Instituti i Statistikave, “Shqipëria në shifra, 2014″, pjesa më e madhe e borxhit të jashtëm zotërohet nga sektori i qeverisë, i ndjekur nga sektori bankar.

Sipas INSTAT, rreth 80 % e borxhit të jashtëm përbëhet nga borxhi afatgjatë.

Në raport evientohet se mjetet e rezervës në fund të vitit 2014 ishin 2,2 miliardë euro, ose të mjaftueshme për mbulimin e 5,5 muajve importe mallrash dhe shërbimesh.