Intensifikohen goditjet e artilerisë në Donetsk

Goditjet e artilerisë u intensifikuan sot pranë Donetskut, bastion separatist prorus në lindje të Ukrainës, raportuan gazetarët në terren.

“Më intensive se sa ditët e fundit, goditjet, që filluan herët në mëngjes, me sa duket vijnë me drejtim nga qyteti drejt aeroportit që është ende nën kontrollin e trupave ukrainase”, sipas gazetarëve.

Sipas ushtrisë ukrainase, një ushtar u plagos në aeroport, epiqendër e luftimeve prej disa muajsh luftime mes trupave ushtarake dhe separatistëve.

“Në mbrëmje në donetsk ishte realtivisht qetë por rreth orës 8:00 GMT u dëgjuan goditje të artilerisë dhe shpërthime në të gjithë qytetin”, njoftuan nga ana e tyre autoritetet e bashkisë.

Ditët e fundit, korespondentët në rajon vunë re një fluks të lartë drejt donetskut të karvaneve ushtarake, të përbër nga tanke dhe kamionë që tërhiqnin topa, dhe që ishin pa targa.

Ukraina dënoi të premten hyrjen në lindjen separatiste proruse të tankeve dhe pjesëve të artilerisë që prej Rusisë.

Këto përforcime ngjallën shqetësime në mbarëvajtjen e armëpushimit, të nënshkruar në shtator mes autoritetet ukrainase dhe kryengritësve, që është pranë dështimit për shkak të dhunës që pasoi zgjedhejt e zhvilluara në zonat separatiste në 2 nëntor.