INUK ‘rrëzon’ Bashkinë, urdhëron ndërprerjen e ndërtimit të 20-katësheve te Liqeni

Inspektorati Urbanistik Ndërtimor ka urdhëruar ndërprerjen e punimeve në ndërtimin e pallateve shumëkatëshe pranë digës së Liqenit Artificial, një çështje e shumëdiskutuar dhe debatuar në radhët e ambientalistëve ditët e fundit.

Zëdhënësi i INUK ka bërë me dije se ky institucion i konsideron nul dy vendimet e kreut të bashkisë së Tiranës me nr.9967/7 dhe nr. 9967/13.

Projekti për të cilin vjen vendimi i INUK parashikonte ndërtimin e 5 kullave 20 katëshe në zonën e digës së Liqenit Artificial, çka do të sillte betonizimin e të vetmes pjesë të gjelbër të kryeqytetit.