Ish-ministri i PD: Kritikët nuk kanë moral të akuzojnë, heshtën për karriget e tyre

Jemin Gjana ndjehet i keqardhur për humbjen e thellë të PD-së. E priste humbjen, por jo në përmasat e 25 qershorit. Ai i di arsyet, sepse është pjesë e PD-së që në krijimin e saj. I njeh kritizerët, sepse janë kolegë të tij dhe bashkëjetesa e gjatë me ta ka bërë që t’i kuptojë qëllimet më qartë se të tjerët, pikërisht tani që kërkojnë dorëheqjen e Lulzim Bashës nga kreu i PD-së.

Ish-ministri i PD-së tregon për “GSh” se ata nuk kanë moral të akuzojnë, pasi Basha ndoqi të njëjtat praktika për zgjedhjen e kandidatëve, siç është bërë edhe vite me radhë në PD dhe siç kanë bërë vetë ata përmes pushtetit që kanë pasur për vite me radhë në PD. “Por – thotë z.Gjana – atëherë ata nuk folën, sepse karriget i kishin të sigurta dhe tani që nuk i kanë më, duan të largojnë Lulzim Bashën. Z.Gjana zbardh mënyrën se si merreshin vendimet në PD dhe peshën që kishin Topalli, Bode, Patozi, Bregu, Imami në hartimin e listave, ndërsa shprehet se ka fakte se ata u kanë kërkuar mbështetësve të tyre që më 25 qershor të mos dalin në votime…