ISIS i shet për 25 dollarë vajzat yazidi
Vajza të mitura, kryesisht të komunitetit yazid, mbahen peng dhe torturohen në burgjet në Mosul. Atyre iu janë dhënë 2 opsione: të konvertohen në myslimane dhe të interpretojnë Kuranin sipas rregullave të islamit ose të përballen çdo ditë me përdhunime.
Por sërish disa prej atyre që janë konvertuar në myslimane, i janë shitur luftëtarëve të ISIS për vetëm 25 dollarë.
Madje këto vajza shiten në treg si bagëti, të futura në një kafaz dhe përzgjidhen nga blerësi. Janë dhjetëra vajza e gra të krishtera që mbahen prej javësh në burgun e Badushit në Mosul, ku përdhunohen në grupe ndërsa të tjera shiten për gra me çmim 25 dollarë.
Sipas Ministrisë së të drejtave të njeriut në Irak, të gjitha gratë janë nga 13 deri në 35 vjeç, të rrëmbyera në qytetin e Sinjarit nga terroristët e Shtetit Islamik. Vajzat nuk kanë asnjë të drejtë të refuzojnë blerësin, përndryshe përballen me dhunë.
Përpara se ti nxjerrin në treg për tu shitur atyre i sigurohen veshje dhe tualete. Nëse ndonjë prej tyre është vërtet e bukur dhe e re në moshë, çmimi arrin kulmin deri në 150 dollarë.
Një nga vajzat e rrëmbyera, e pakonvertuar në myslimane, e cila arriti të fshehë në burg një telefon celular, i ka telefonuar nënës së saj, duke i treguar torturat që i bëhen në burg.
Terrori i luftëtarëve të IS, përveç rekrutimit të të miturve me ta dhe vrasjeve e torturave makabre të javëve të fundit, tashmë kanë nisur të tregtojnë edhe qenie njerëzore.
Komuniteti yazid ka qenë që në fillim në shënjestër të luftëtarëve të IS, madje përshkruhen nga këta të fundit si djaj të zinj.
