ISIS përdor bomba me klor në Irak, gazi portokalli djeg mushkëritë

Në sulmet e saj në Irak, ISIS është duke përdorur bomba me klor që përhapin në ajër një tym karakteristik ngjyrë portokalli.

Konfirmimi vjen nga burime zyrtare në Irak, të cilët ekzaminuan imazhet e BBC. Këto bomba janë pajisje të afta për të nxjerrë një gaz toksik, i cili djeg mushkëritë nëse thithet në sasi të mëdha, por jo aq të dëmshme sa gazi sarin.

Retë ngjyrë portokalli, nga shpërthimi i këtyre bombave, kanë shkaktuar panik mes njerëzve. Bombat e ISIS po përdoren kundër ushtarëve Irakianë, të cilët po luftojnë për të rimarrë kontrollin e Tikritit. Mësohet se forcat Irakiane kanë avancuar duke i zmbrapsur terroristet e ISIS drejt qendrës së qytetit.