Jahjaga i dorëzon flamurin e Kosovës alpinistes Gashi

Presidentja e Kosovës, Atifete Jahjaga, i dorëzoi sot alpinistes Merita Gashi flamurin e Republikës së Kosovës, e cila ekspeditën e saj në Kilimanxharo do t’ia dedikoj të mbijetuarve të dhunës seksuale në Kosovë.

“Me kënaqësi ia dorëzova flamurin e Republikës së Kosovës alpinistes Merita Gashi, e cila ekspeditën e saj në Kilimanxharo do t’ia dedikojë të mbijetuarve të dhunës seksuale gjatë luftës në Kosovë, si thirrje për sensibilizim shoqëror dhe institucional për vënien e drejtësisë dhe dënimin e këtij krimi lufte. Meritës i dëshiroj suksese në përmbushjen e misionit të saj”, shkruan Presidentja Jahjaga në një postim në rrjetin social Facebook.