“Jo ulje pa fund të çmimit”/ Kryeministri: Nuk ulim naftën, të rrisim energjinë
Edi Rama: Deri dje e kishim ne naftën më të lartë për arsye që i kemi shpjeguar 1.000 herë. Sot ka ndryshuar gjëja por jo se e vendosi qeveria. Se po të shikoni të gjithë grafikun e rritjes së çmimit është komplet i përputhur. Nëse ne do të ulnim edhe taksat e naftës siç thonë, pa u futur në ato të ushqimeve etj etj se pastaj do të shkonim në falimentim menjëherë.
Edi Rama ngulmoi se nuk ka ndërmend të përsërisë modelin qeverisës të para-ardhësit të tij Berisha.
Edi Rama: Ai që i bën këto nuk është udhëheqës i popullit të vet. Ai që i bën këto është nga ata udhëheqës që e marrin në qafë popullin e tyre. Dhe udhëheqës që e kanë marrë në qafë popullin e tyre i kemi gjallë akoma sot midis nesh që i hodhën me kokë në ato gropat e mëdha të Sudeve dhe Vebive.
Në ditën kur çmimi i naftës pësoi një tjetër ulje, Edi Rama përsëriti se nëse qeveria, do të heqë taksat e naftës siç i kërkohet, atëherë barra do ti kalonte rritjes të çmimit të energjisë elektrike.
Edi Rama: Ne nuk mund të rrisim çmimin e energjisë për të ulur çmimin e naftës për ata që kanë vetura se ata që kanë vetura shkojnë në shtëpi e kanë familje. Janë prindër që paguajnë faturën e energjisë atje. Le ta marrim 95.000 biznese të vogla 1 njeri të iki nga puna 95.000 të papunë brenda 1 muaji më një faturë. Me 1 faturë 95.000 njerëz ne i nxjerrim në rrugë. Për çfarë? Për të hequr taksën e karburantit të atyre që ulërinë atje e shajnë e mallkojnë e sajojnë fakte të paqena.
