Juventusi i ri “made in Italy”. Nga Frattesi te Chiesa, emrat për ringritjen bardhezi

Në manifestin e Giovanni Carnevalit, i frymëzuar qartë nga pronësia e klubit, ekziston një pikë që tifozët e Juventusit e njohin mirë: forcimi i komponentit italian në skuadër. Synimi është të prodhohen talente për kombëtaren, por edhe të ketë lojtarë që njohin më mirë kampionatin italian, historinë bardhezi dhe futbollin italian në përgjithësi. Kjo nuk do të thotë të ndiqet modeli i Athletic Bilbaos me lojtarë baskë, por ideja është e qartë: rikthimi i një shtylle kurrizore të fortë italiane.

Mes emrave të lidhur me Juventusin spikat Davide Frattesi. Mesfushori kërkon largimin nga Interi që prej janarit dhe mbetet në bisedime me Nottingham Forest. Ai pëlqehet edhe nga Luciano Spalletti, ndërsa Carnevali ishte një nga njerëzit që e promovoi te Sassuolo. Interi e vlerëson rreth 30 milionë euro dhe raportet e mira mes Carnevalit dhe Giuseppe Marottës mund të ndihmojnë negociatat. Në diskutime mund të përfshihen edhe emra si Andrea Cambiaso dhe Carlos Augusto.

Domenico Berardi mbetet më shumë një ide sesa një objektiv konkret. Më i mundshëm duket rikthimi i Federico Chiesa, i cili ishte në bisedime me Juven 6 muaj më parë dhe dëshiron të largohet nga Liverpool-i për të luajtur më shumë. Në listë janë gjithashtu Mattia Liberali (klauzolë 6 milionë euro, 50% për Milanin), Michael Kayode, Matteo Ruggeri dhe Cher Ndour.