Kanberra i hap dyert energjisë bërthamore

Australia, një nga vendet më ndotëse të planetit, i hapi dyert energjisë bërthamore për të reduktuar prodhimin e gazit me efekt serrë.

Australia është prodhuesi i tretë botëror i uraniumit mbrapa, Kazakistanit dhe Kanadasë, por nuk e përdor energjinë bërthamore, duke u bazuar më shumë mbi rezervat e konsiderueshme të karbonit dhe të gazit natyror që kushtojnë shumë herë më pak.

Por Kanberra është nën presion për të shpallur objektivat e saj në çështjet e luftës kundër ngrohjes klimatike deri në vitin 2020 me rastin e konferencës së Parisit në vitin 2015. Australia është vendi i zhvilluar që prodhon më shum gaz me efekt serrë për banor, sipas qendrës australiane, Climate Institute.

Kryeministri, Tony Abbott, u shpreh i hapur ndaj energjisë bërthamore. “Mbi çështjen e energjisë bërthamore, e kam thënë shpesh herë, nuk kam asnjë kundërshtim”, deklaroi Abbott.

Madje Abbott së fundmi ishte shprehur se karboni ishte i mirë për njerëzimin. Ai gjithashtu kishte vlerësuar se studimet shkencore mbi ndryshimin klimatik ishin “krejtësisht budadallëqe”.

Australia figuron mes 20 vendeve të para në prodhimin e gazit me efekt serrë, ajo u angazhua për momentin t’a reduktojë me 5 për qind deri në vitin 2020 në raport me nivelin e vitit 2000. Ekologjistët vlerësojnë se ulja duhet të jetë në 15 për qind.