Kane: Kur luan në një Botëror ka edhe ndeshje të tilla, jemi ende në një pozicion të mirë në grup

Kapiteni i Anglisë, sulmuesi Harry Kane, nuk është shumë i shqetësuar pas barazimit 0-0 që kombëtarja e tij arriti ndaj Ganës në ndeshjen e dytë të fazës së grupeve të Kupës së Botës.

Duke folur për BBC, ai tha: “Patëm disa shanse të shënonim. Edhe unë pata një shans, goditëm traversën me Nico O’Reilly. Pra, mund të kishte qenë lehtësisht një ndeshje ku do të dilnim me një fitore”.

“Në mbrojtje ishim shumë mirë dhe në përgjithësi e kontrolluam mjaft mirë. Ne donim të fitonim, por morëm pikën dhe jemi ende në një pozicion të shkëlqyer në grup. Tani të mendojmë për ndeshjen ne radhës”, tha Kane.

“Kur luan në një Kupë Bote e di se kalon nëpër ndeshje të tilla të vështira, me kundërshtarin që mbyllet. Barazuam kundër një skuadre të mirë që është kompakte dhe e bën të vështirë dhe kjo është ajo që përballemi sot në futboll“, tha Kane.