Katër ushtarë të vrarë dhe 14 të plagosur 24 orët e fundit

Të paktën katër ushtarë kanë humbur jetën dhe 18 të tjerë janë plagosur në 24 orët e fundit si pasojë e luftimeve të ashpra në lindjen separatiste të Ukrainës , njoftuan autoritetet e Kievit.

“Ne kemi humbur katër ushtarë, 18 të tjerë janë plagosur në luftime”, shkruan shërbimi i shtypit i operacionin ushtarak ukrainas kundër rebelëve prorusë në rrjetin social Facebook.

“Situata në lindje mbetet e tendosur. Gjatë 24 orëve të fundit, banditët kanë qëlluar 44 herë kundër pozicioneve ukrainase, veçanërisht në një bazë të vendosur pranë aeroportit të Donetskut, epiqendër e luftimeve të dhunshme që prej disa muajsh”, deklaroi shërbimi i shtypit.