KE zhbllokon 24 milionë euro për vaksinën kundër Ebolës
Komisioni Evropian njoftoi sot zhbllokimin e 24,4 milionë eurove për të përshpejtuar kërkimet mbi Ebolën duke e çuar në 204,4 milionë kontributin financiar për përjekjet ndërkombëtare kundër ethes hemorragjike.
”Ky financim do të shkojë për pesë projekte evropiane që kanë të bëjnë me një provë klinike me shkallë të gjerë të një vaksine potenciale me testimin e përbërësve ekzistues dhe të rinj në kuadër të trajtimit të virusit Ebolës”, theksoi Komisioni në një komunikatë.
”Projektet e zgjedhura, dy në Belgjikë, dy në Francë dhe një në Gjermani u gjykuan më premtueset për zhvillimin e trajtimeve dhe vaksinave kundër Ebolas”, theksoi presidenti i Komisionit Hose Manuel Barroso, cituar në komunikatë.
Njoftimi i Komisionit përkoi me zhvillimin e një takimi të nivelit të lartë të Organizatës Botërore të Shëndetësisë sot në Gjenevë
