Këlliçi: Prej 2 vitesh askush nuk firmos në emër të Veliajt
Anëtari i Kryesisë së PD-së, Belind Këlliçi në një intervistë në Edicionin e Mbrëmjes në SYRI TV, me moderatoren Armela Ferko, është shprehur se prej 2 vitesh nuk shkon askush në komisionin për mbikëqyrjen e punimeve në inceneratorin e Tiranës, sepse askush nuk firmos për të bërë burgun e Erion Veliajt.
‘Administratori shtetëror Arjan Baçi që prej 5 muajsh është administrator në inceneratorin e Tiranës, që i bën shkresë Erion Veliajt, dhe i thotë; sill anëtarët sepse ti po rrezikon të dështosh këtë koncension.
Por çfarë ka ndodhur në këtë rast? Askush nuk pranon të shkojë, sepse duke qenë se e dinë që kjo është një aferë korruptive, duke qenë se e kanë kuptuar se incenerator nuk ka, flasim për një incenerator fantazëm, nuk pranon më asnjë individ që të bëjë burgun për Erion Veliajn dhe nuk shkojnë të firmosin fakte të paqena.
Nuk marrin përsipër të rriskojnë jetën e tyre dhe të shkojnë në burg për hir të Erion Veliajt. Nëse Erion Veliaj është burg dhe ka incenerator në landfillin e Sharrës dhe nuk është abuzuar me paratë të shkojë e ta firmosë vetë.
Në këto 7 vite janë hedhur 130 mln euro, jo që nuk ka incenerator, nuk është vendosur një tullë jo që nuk ka incenerator, nuk është vendosur një tullë, por sot që ne flasim jo vetëm që është uzurpuar një sipërfaqe 150 mijë metër katror dhe është mbushur me inerte jemi në prag të kolapsit mjedisor. Nga të dhënat që kemi nuk ka më hapësirë në landfillin e Sharrës për të depozituar më mbetje’, – deklaroi Belind Këlliçi në SYRI TV.
