Kërcënimet, mbrojtje e posaçme për kreun e PD-së Lulzim Basha

Kryetari i Partisë Demokratike, Lulzim Basha, njëkohësisht Kryetar i Bashkisë së Tiranës është marrë sot në mbrojtje të posaçme nga Policia e Shtetit, pas një kërkese të Prokurorisë së Përgjithshme dërguar këtij institucioni dhe ministrisë së Brendshme.

Burime pranë prokurorisë bëjnë të ditur për ATSH-në se, nisur nga fakti se prokuroria ka regjistruar një kallëzim lidhur me kërcënimin ndaj kreut të PD-së, ajo ka kërkuar marrjen në mbrojtje të posaçme të tij, përmes një kërkese drejtuar Policisë së Shtetit dhe ministrisë së Brendshme.

Mbrojtje e posaçme është kërkuar edhe për deputeten e PD-së, Voltana Ademi, në telefonin e së cilës është regjistruar kërcënimi për Bashën nga shtetasi me precedent penal, Emiljano Shullazi.

Ndërkohë Policia e Shtetit i është përgjigjur menjëherë kësaj kërkese, duke vendosur 4 efektivë të njësisë GOS, në mbrojtje të kreut të PD-së