Kërkohej nga Italia për trafik droge, arrestohet 21-vjeçari në Patos

Një 21-vjeçar i cili kërkohej ndërkombëtarisht nga Italia për trafikim droge është arrestuar në Patos.

Në pranga ra 21-vjeçari M.I., banues në Patos.

Ai ishte shpallur në kërkim ndërkombëtar, pasi Gjykata e Laquila-s, Itali, me vendimin e datës 19.05.2022, i ka caktuar masën e sigurisë “Arrest në burg”, për veprën penale “Trafikimi i narkotikëve”, parashikuar nga Kodi Penal i Italisë.

Interpol Tirana, në bashkëpunim me Interpol Roma, vijon procedurat për ekstradimin e këtij shtetasi drejt Italisë.