Kinezët e Bankers Petroleum: Në vëmendje, investimet në sektorin hidrokarbur

Kompania kineze si pronare e re e kompanisë Bankers Petroleum do të ndikojë në rritjen e volumit të investimit si dhe në përmirësimin e marrëdhënieve me kompaninë, deklaroi Drejtori Ekzekutiv i Agjencisë Kombëtare të Burimeve Natyrore, Viktor Tushaj gjatë një takimi  prezantues  me drejtuesit e rinj të kësaj kompani.

Ndërsa  Presidenti Ekzekutiv i Bankers Petroleum në vendin tonë, Timothy Luo  i shoqëruar nga stafi i tij, shprehu dëshirën për bashkëpunim me institucionet shqiptare. Sipas Luo një vëmendje e veçantë do t’i kushtohet investimeve në sektorin hidrokarbur.

Të dyja palët ranë dakord që fryma e bashkëpunimit duhet të mbështetet në marrëveshjen hidrokarbure e nënshkruar mes Bankers Petroleum dhe Albpetrol.