Kodheli takon Frank Gorenc: Shqipëria, faktor stabiliteti në rajon

Ministria e Mbrojtjes, Mimi Kodheli priti në një takim zyrtar komandantin e Forcës Ajrore të Aleancës, gjeneral Frank Gorenc, i cili ndodhet për një vizitë një ditore në Tiranë. Gjatë këtij takimi u diskutuan çështje të bashkëpunimit në kuadër të Aleancës, si dhe anagzhimet që vendi ynë ka ndërmarrë.

Ministrja e Mbrojtjes Kodheli e njohu gjeneralin Gorenc me zhvillimet më të fundit në fushën e mbrojtjes dhe sigurisë në vend. Ajo e informoi gjeneralin me punën që po bëhet në Forcat e Armatosura dhe sfidat e reja që secili vend i Aleancës po kalon. Gjithashtu Kodheli u ndal te reformat e rëndësishme që po kryhen në këtë sektor, duke nisur që nga reforma legjislative dhe strukturore. Ministrja Kodheli e garantoi gjeneralin e NATO-s, se Shqipëria do të vijojë të mbetet faktor stabiliteti në rajon.

Komandanti i Forcës Ajrore të Aleancës, gjeneral Frank Gorenc, vlerësoi kontributin e Shqiperisë në angazhimet e saj si anëtar i Aleancës. Të dy autoritet diskutuan për çështje të aktualitetit, krizat në kufijtë lindorë të Aleancës dhe u ndalën në zhvillimet e fundit në Ukrainë.  Po sot,  gjeneral Gorenc bëri një vizitë në Bazën Ajrore të Kuçovës