Kodi i ri Rrugor, 20-30 lekë të reja kush shkel semaforin

Ministri i Brendshëm Saimir Tahiri çeli  këtë të mërkurë fushatën sensibilizuese për sigurinë rrugore. Gjatë konferencës për shtyp ai tha se duke filluar nga sot, hyjnë në fuqi ndryshimet e reja, të Kodit Rrugor.

Në fjalën e tij, ministri i Brendshëm u bëri thirrje qytetarëve që të respektojnë kodin rrugor, për të shmangur kështu aksidentet me pasoja të rënda.

Ligji i ri parashikon se kushdo që do të shkelë me të kuqe semaforin, nga sot do të gjobitet nga 20 -30 mijë lekë të reja. Nëse shkelja e semaforit do të përsëritet brenda 2 vjetësh, gjoba do të jetë nga 50 mijë në 100 mijë lekë dhe do të shoqërohet me pezullim të lejes së drejtimit nga 9 deri në 12 muaj.

Ndryshimet në Kodin Rrugor përfshinë edhe një sërë nenesh siç janë përdorimi i alkoolit apo lëndëve narkotike. Risi është detyrimi i drejtuesve të automjeteve për pajisjen me ndenjësen e posaçme për fëmijë deri në 12 – vjeç. Aksidentet rrugore, me pasoja për jetën janë një fenomen mjaft shqetësues në Shqipëri.