Komisioni i Ekonomisë kundër heqjes së akcizës për pijet energjike
![](https://24-ore.com/wp-content/uploads/2014/09/bracekomisioni-320x191.jpg)
Komisioni parlamentar i Ekonomisë dhe Financave nisi të martën diskutimin nen për nen të paketës fiskale për vitin 2015. Deputetët e mazhorancës i kanë thënë jo variantit të paraqitur nga qeveria për heqjen e akcizës për pijet energjike. Kryetari i Komisionit parlamentar të Ekonomisë, u shpreh se është kundër variantit që për këto pije të mos paguhet akcizë, pasi çdo vend i BE-së aplikon regjim taksimi për këto pije.
Lidhur me paketën fiskale, e cila po diskutohet nen për nen nga ky komision, debate ka patur edhe për rritjen e nivelit të taksimit të të ardhurave dytësore të individëve dhe biznesit në masën 15 %.
Gjithashtu, debate dhe sugjerime ka patur edhe për nivelin e rentës minerare, ku do t’i përcillen seancës plenare dy variante, ai i qeverisë me masën 5 % dhe një variant i propozuar nga disa deputetë të komisionit në masën 10 %.