Konferenca “Korrupsioni zgjedhor, nevoja e një reforme elektorale gjithëpërfshirëse”

“Korrupsioni zgjedhor, nevoja për një reformë elektorale të thelluar dhe gjithëpërfshirëse”, është tema e Konferencës Kombëtare të organizuar nga Koalicioni i Vëzhguesve Vendorë(KVV), që do të mbahet në fillim të javës së ardhshme.
Përmes një njoftimi për shtyp, KVV e konsideron fenomenin e ‘korrupsionit zgjedhor’ si një prej sfidave më të rëndësishme, që tenton të manipulojë vullnetin e votuesit. Ndaj vlerësohet me shumë rëndësi që reforma e ardhshme zgjedhore të adresojë këtë fenomen, tek i cili i kanë rrënjët një sërë problematikash të vërejtura në proceset elektorale.
Në Konferencë janë ftuar të marrin pjesë autoritetet më të larta të shtetit, Presidenti Bujar Nishani, kryetari i Kuvendit, Ilir Meta, kryeministri Edi Rama, kryetari i Partisë Demokratike, Lulzim Basha, ambasadorja e Bashkimit Europian, Romana Vlahutin, ambasadori i SHBA-së, Donald Lu, zv/ambasadori i Prezencës së OSBE-së, Robert Wilton, etj.