Kronika
Konflikt mes të rinjve, policia shmang përdorimin e armëve
Një konflikt mes dy të rinjsh për pak sa nuk ka përfunduar në tragjedi, por policia ka ndërhyrë në kohë duke parandaluar përshkallëzimin e mëtejshëm.
Ka qenë një telefonatë në sallën operative të policisë që ka lajmëruar uniformat blu se në lagjen “Kala” të Elbasanit kishte një grindje, dhe se njëri prej tyre kishte armë zjarri.
Ndërhyrja në kohë e Policisë parandalon përshkallëzimin e mëtejshëm të një konflikti me armë.
“Menjëherë shërbimet e Policisë kanë shkuar në vendngjarje, ku shtetasi Erion Softa që dyshohet se kishte dhe armën e zjarrit tip Pistoletë, porsa ka parë policinë është larguar me shpejtësi. Grupi hetimor ka konstatuar se shtetasi Erion Softa, 31 vjeç, banues në Elbasan, pas një konflikti për motive të dobëta ka goditur me grusht si dhe ka kanosur me armë zjarri, pistoletë, shtetasin A.H, 24 vjeç, banues në lagjen “5 Maji”. Vijon puna për kapjen e shtetasit të shpallur në kërkim, si dhe për gjetjen e sekuestrimin e armës së zjarrit”, njofton policia e Elbasanit.
Materialet do ti kalojnë Prokurorisë së Rrethit Gjyqësor Elbasan, për veprën penale “Dëmtime të tjera me dashje”, “Kanosje” dhe “Prodhimi dhe mbajtja pa leje e armëve të zjarrit”.
