Kosova me nivel të lartë të korrupsionit në vitin 2015
Praninë e madhe të korrupsionit në Kosovë e kanë theksuar edhe sot udhëheqës të institucioneve përgjegjëse. Para Komisionit për Legjislacion, Mandate, Imunitete, Rregullore dhe Mbikëqyrjen e Agjencisë Kundërkorrupsion, raportoi sot i pari i Agjencisë Antikorrupsion, Hasan Preteni.
Ky i fundit e theksoi si problem mos-deklarimin e pasurisë dhe deklarimin e rrejshëm. Por, problem sipas Pretenit është edhe fusha e prokurimit publik.
“Rreziku më i madh është edhe tek tenderët me vlerë të madhe tek institucionet”.
E për këtë të fundit Preteni tha se janë duke i monitoruar.
Anëtarja e komisionit Selvie Halimi, shprehu shqetësimin e saj në lidhje me shoqërinë në Kosovë, e cila sipas saj është e shqetësuar për nivelin e korrupsionit në vend, mirëpo ngriti dyshimet nëse ky korrupsion është realitet apo vetëm perceptim.
Por për Armend Zemajn, kolegun e Halimit niveli kaq i lartë i korrupsionit nuk është perceptim, por një realitet dhe se ky fenomen sipas tij vazhdon të mbetet shqetësues për të gjitha institucionet.
