Kosovë-Maqedoni, masa lehtësuese për shkëmbimin tregtar

Ministri i Infrastrukturës, Lutfi Zharku, priti sot ministrin e Ekonomisë së Republikës së Maqedonisë, Driton Kuçi, të cilin e njohu me arritjet në fushën e infrastrukturës në vend.

Zharku dhe Kuçi diskutuan për pjesën maqedonase të autostradës Kosovë-Maqedoni, që sipas tyre, me përfundimin e saj, do të lehtësohet qarkullimi i njerëzve dhe mallrave nga dy vendet, si dhe për marrëveshjet bilaterale të transportit mes të dyja vendeve.

Gjatë takimit ministri Kuçi tha se bashkëpunimi i shkëlqyer me Kosovën do të vazhdoj edhe më tej, në bazë të marrëveshjeve dypalëshe duke zbatuar masa në drejtim të lehtësimit të shkëmbimit tregëtar dhe në rritjen e numrit të turistëve në të dy vendet.