Bota
Kryeministri i ri i Italisë prezanton qeverinë e re
Kryeministri i ri italian, Paolo Gentiloni, shpalli sot përbërjen e qeverisë së tij.
Ai nuk ka ndryshuar shumë emra, nga qeveria e Matteo Renzit.
Në qeverinë italiane, ministër i Financave, do të vazhdojë të jetë Pier Carlo Padoan.
Gentiloni, që ishte ministër i Punëve të Jashtme në qeverinë në ikje të Matteo Renzit, theksoi se zëvendësuesi i tij në krye të diplomacisë italiane do të jetë Angelino Alfano, ministri italian në ikje i Punëve të Brendshme dhe ish-krahu i djathtë i Silvio Berlusconit.
