Kryeministri kanadez, Stephen Harper në vizitë zyrtare për luftën anti-xhihadistëve

Kryeministri kanadez, Stephen Harper zhvilloi sot një vizitë zyrtare në Irak ku do të takohet me homologun, Haider Al-Abadi për të diskutuar për luftën kundër xhihadistëve të grupit të Shtetit Islamik, ku merr pjesë dhe vendi i tij.

Kanadaja është anëtare e koalicionit ndërkombëtar drejtuar nga SHBA-ja që ka ndërmarrë që prej muajit gusht dhe shtator sulme kundër pozicioneve të Shtetit Islamik në Irak dhe në Siri, ku grupi ekstremist sunit është shtrirë gjerësisht në rajonet përreth.

”Kryeministri kanadez ka takuar Abadin në Bagdad para se të shkonte në Erbil, kryeqyteti i rajonit autonom të Kurdistanit në veri të vendit”, sipas një komunikate të zyrës së kryeministrit irakian.

”Harper dhe Abadi kanë folur për luftën e ndërmarrë në Irak kundër bandave terroriste të Daech dhe për mbështetjen e ofruar Irakut në këtë luftë”, vijon teksti.

”Drejtuesi kanadez rikonfirmoi mbështetjen e vendit të tij për Irakun përballë xhihadistëve”, sipas komunikatës.