Kuvendi zgjedh Gentjan Salën kryetar të AMA-s

Kuvendi i Shqipërisë ka zgjedhur sot në mesditë kryetarin e ri të Autoritetit të Media Audiovizive. Mes katër kandidaturave, parlamenti ka zgjedhur me votim të fshehtë për kryetar të AMA-s, Gentian Salaj, i cili ka marrë 79 vota pro dhe vetëm 1 kundër.

Ndërkohë, kandidaturat e tjera me votim nga Kuvendi morën më pak vota: Anila Basha mori 20 vota pro, 48 kundër dhe 10 abstenim.

Bers Hado mori 4 vota pro, 69 kundër dhe 5 abstenim.

Dhe në fund, kandidatura tjetër e Gentian Skënderajt, i cili u përfol së fundmi nga opozita se përfitoi një tender nga Ministria e Rinisë dhe Mirëqenies Sociale për vizitën e Papës në Shqipëri, mori 3 vota pro dhe 71 kundër.

Procesi i votimit u parapri nga një mbledhje e përbashkët me dyer të mbyllura e grupeve parlamentare të Partisë Socialiste dhe LSI-së, ku u mor edhe vendimi për të votuar Gentian Salajn në krye të AMA-s.