Lëvizja prodemokraci përgënjeshtron çdolloj ndërhyrje të huaj

Krerët e lëvizjes prodemokraci në Hong Kong përgënjeshtruan sot akuzat e shfit të qeverisë lokale, sipas të cilit prtestuesit ishin manipuluar nga “forcat e huaja”.

Leung Chung ying deklaroi se “forcat e huaja” të gjeneruara nga vendet e tjera nxehin gjarkrat e manifestuesëve prodemokraci, të cilët që prej 28 shtatorit dalin me mijëra nëpër rrugë dhe bllokojnë tre zona të konsiderueshme të territorit autonom nën mbikqyrje kineze.

Me këtë deklaratë shefi i ekzekutivit ka shkaktuar një seri ironizimesh nga ana e liderëve të lëvizjes prodemokraci, të cilët shpjegoojnë se protestuesit janë të motivuar nga etja për liri demokratike dhe nga pakënaqësia përballë pabarazive në rritje në ish-koloninë britanike.

“Lidhjet e mia me të huajt përfundojnë tek telefoni im korean, kompjuteri im amerikan dhe nga ‘Gundam’-i japonez (serial televiziv). Dhe sigurisht të gjitha këto të prodhuara në Kinë”  ironizon Joshua Wong, një nga liderët e lëvizjes studentore, që kryesojnë manifestimin prodemokraci.

Nga ana tjetër presidenti Leung refuzoi të identifikojë se kush janë këto “forca të huaja”.

Media zyrtare kinese kanë akuzuar shpesh herë forcat antikineze si SHBA-ja se manipulojnë protestuesit. Në kontinent, shprehja “revolucion i ngjyrosur”, term i përdorur nga Pekini për të përcaktuar një lëvizje politike të financuar nga jasht, po përmendet gjithnjë e më shpesh. Pekini ka paralajmëruar gjithashtu kundër çdolloj ndërhyrje të huaj në çështjet e brendshme të Hong Kongut.