Libani kërkon ti jepet fund pushtimit izraelit

Ministri i Jashtëm i Libanit, Youssef Raggi, ka thënë se qëllimi i forcave të armatosura të vendit është “të zgjerojnë gradualisht autoritetin e tyre mbi të gjithë territorin libanez, përfshirë jugun”, sipas Agjencisë NNA.

Duke folur në një konferencë të mbajtur nga Senati Francez në Paris, ai tha se arritja e këtij objektivi varet nga një tërheqje e plotë e Izraelit nga i gjithë territori libanez.

“Asnjë shtet nuk mund të përfundojë ndërtimin e institucioneve dhe sovranitetit të tij ndërsa një pjesë e territorit të tij mbetet nën pushtim. Pushtimi minon institucionet shtetërore, nxit tensionet, vonon kthimin në stabilitetin politik dhe të sigurisë dhe e pengon shtetin të ushtrojë autoritetin e tij të plotë mbi territorin e tij”, tha Raggi.

Ministri tha gjithashtu se vendimi për t’i dhënë fund pranisë ushtarake të Hezbollahut nuk ishte “një përgjigje ndaj presioneve të jashtme, as fryt i negociatave diplomatike, por më tepër një shprehje e një vullneti të pastër kombëtar”.